La subdelegada do Goberno nA Coruña, María Rivas, presidiu a Xunta Local de Seguridade xunto á alcaldesa de Vimianzo, Mónica Rodríguez. Na xunta de carácter extraordinaria celebrada hoxe no concello, coordinouse o dispositivo de seguridade que se desenvolverá durante os dous próximos fins de semana, o 30 de xuño e 1 de xullo co Asalto ao Castelo e o 8 e 9 de xullo coa celebración da Faguía de Carnés.
El próximo venres 30 de xuño, chega ao concello a edición número 26 do Asalto ao Castelo. Esta festa congrega todos os anos a un importante número de persoas que queren gozar dun evento declarado Festa de Interese Turístico Galego. Ademais, as festas continúan o 8 de xullo coa tradicional Faguía de Carnés que este ano/este ano incorpora ao seu cartel as principais orquestras de música do panorama galego así como a Andy e Lucas.
La subdelegada do Goberno nA Coruña destacou a máxima colaboración entre a subdelegación do Goberno e o concello de Vimianzo para garantir a seguridade das persoas asistentes e pediu á veciñanza moita prudencia, que cumpran coas normas previstas e atendan as indicacións das persoas que integran o dispositivo de seguridade para que todo transcorra con normalidade.
Durante o transcurso da xunta, fíxose repaso dos momentos con máis afluencia de público para despregar o dispositivo que se coordina coa policía local e planificouse o labor a desenvolver polos diferentes corpos de seguridade e de emerxencia para previr posibles incidencias.
O dispositivo para garantir a seguridade nas celebracións estará reforzado con efectivos de Seguridade Cidadá do Comandancia da Garda Civil da Coruña. Ademais tamén se contará coa presenza de patrullas da Garda Civil de Tráfico de Corcubión e darase apoio á Policía Local con axentes doutros concellos. Ademais, Protección Civil disporá tamén de 15 efectivos.
Tanto a subdelegada como a alcaldesa puxeron en valor a coordinación para que este tipo de celebracións tan emblemáticas para a provincia poidan desenvolverse dunha maneira segura e organizada. María Rivas subliñou a importancia de prestar atención a este tipo de festas xa que atraen a un gran número de público e temos que garantir que poidan gozar en condicións de seguridade.
Por outra banda, o concello informou que contará tamén cun punto violeta de atención e información e en temas de igualdade e diversidade durante a celebración das festas.