La subdelegada do Goberno nA Coruña, María Rivas, desprazouse hoxe ata a praia de Mañóns en Boiro para visitar as actuacións desenvolvidas polo Ministerio de Transición Ecolóxica e Reto Demográfico na praia de Mañóns. Na visita estivo acompañada polo alcalde, Xosé Ramón Romero e polo xefe da Demarcación de Costas da Coruña, Rafael Eimil.
María Rivas quixo coñecer de primeira man os labores de estabilización do bordo litoral que se levaron a cabo para impedir o proceso de regresión que estaba a sufrir e que estaba a provocar a caída dos noiros e do arboredo do piñeiral.
Para evitar a continuidade desta situación regresiva, colocáronse para a defensa da costa, uns pretiles , retirados dos peiraos da Ribeiriña, nA Pobra do Caramiñal, e aproveitándoos para facer o efecto de barreira e así evitar a erosión dos noiros.
María Rivas puxo en valor esta reutilización de materiais que definiu como “un exemplo de actuación sustentable e de economía circular que permite, ademais reducir custos e executar unha intervención co menor impacto posible desde un punto de vista medio ambiental”.
La subdelegada destacou a sustentabilidade deste proxecto que incluíu a instalación duns listóns de madeira sobre os pretiles para que ademais de protexer servisen como bancos para as usuarias e usuarios da praia. A actuación contou cun orzamento aproximado de 25.000 euros.