El delegado do Goberno en Galicia, José Ramón Gómez Besteiro, visitou hoxe a Unidade de Documentación da Policía Nacional nO Barco de Valdeorras, que puxo como exemplo da colaboración entre administracións públicas ao servizo da cidadanía da zona rural ademais de promover a cohesión territorial. Destacou que este servizo “cumpre a diario unha función social, ofrecendo unha tramitación básica á cidadanía desta comarca”, que ata agora se prestaba na capital da provincia ou a través dunha unidade móbil que acudía unha vez ao mes a esta localidade.
Acompañado polo alcalde de Ou Barco, Alfredo García; do subdelegado do Goberno na provincia, Emilio González, e do comisario provincial da Policía Nacional de Ourense, Juan Carlos Blázquez, percorreu as instalacións desta unidade, que depende da Comisaría Provincial do Corpo Nacional de Policía en Ourense.
El delegado lembrou que esta oficina é froito do traballo conxunto do Ministerio do Interior e do Goberno local dO Barco de Valdeorras. O Concello achegou as instalacións, emprazadas na segunda planta do Edificio Multiusos Municipal, e a Dirección Xeral da Policía achegou o persoal e os equipos tecnolóxicos necesarios.
A Unidade de Documentación do Barco de Valdeorras dá servizo ao redor de 27.000 habitantes da comarca ourensá, integrada por dez municipios. As instalacións contan con catro postos de expedición de documentos que permiten a expedición tanto de DNI, como de pasaportes e cartóns de identificación de estranxeiros aos habitantes da comarca de Valdeorras, facilitando así a atención dos asuntos administrativos de expedición de documentos como os operativos en materia de estranxeiría.
Gómez Besteiro informou que, desde o pasado mes de decembro, esta unidade expediu preto de 1.900 documentos oficiais, evitando que estas persoas tivesen que desprazarse ata Ourense a efectuar estas xestións.
En concreto, desde o pasado mes de decembro expedíronse 1.400 Documentos de identidade (DNI), 400 pasaportes e 60 cartóns de identificación de extranxeiros (TIE).
Visita institucional
Previamente á visita ás instalacións da Policía Nacional, o delegado do Goberno realizou unha visita institucional á Casa do Concello. Alí mantivo unha reunión co alcalde do Barco, Alfredo García, con quen repasou os investimentos de distintos ministerios na localidade e outros que se desenvolven na comarca e dos que tamén se beneficia o concello barquense. A esta reunión tamén asistiu o subdelegado na provincia, Emilio González.