A Dirección Xeral de Tráfico (DXT) iniciará desde mañá, luns 17 de abril, unha campaña de control de velocidade que incidirá especialmente nas estradas convencionais (as que dispoñen dun só carril en cada sentido) e nas vías urbanas da comunidade galega. Esta iniciativa, que forma parte da programación anual da DXT, ten como obxectivo conseguir unha maior redución da velocidade media e manterase durante toda a semana, ata o domingo 23.
A campaña será coordinada polas xefaturas provinciais de Tráfico e empregará o máximo de medios posibles, co aviso, cando sexa posible, da existencia de controis a través dos paneis de sinalización variables e nas pantallas alfanuméricas dos vehículos da Agrupación de Tráfico situadas nas inmediacións.
Ademais, nestes controis a DXT contará co apoio das distintas policías locais dos concellos no seu ámbito de actuación, unha colaboración moi importante para unificar a mensaxe de respecto aos límites de velocidade establecidos independentemente da vía pola que se circule.
Os controis velarán polo cumprimento dos límites xenéricos e específicos de velocidade, velocidade en adiantamento e distancias entre vehículos. Neste aspecto, convén lembrar que en marzo de 2022, entrou en vigor a norma que impide aos condutores pasar a velocidade en 20km/h para adiantar en vías convencionais.
A campaña busca concienciar aos condutores da estreita relación entre unha velocidade inadecuada e os accidentes. E é que, a diferenza da incompatibilidade entre o alcol e a condución ou o uso do cinto de seguridade e do casco, que non son cuestionados, a consideración da velocidade como factor de risco non adquiriu o mesmo nivel de aceptación entre os condutores, a pesar de que no 22% dos accidentes mortais rexistrados a nivel nacional en 2019 apreciouse a velocidade como factor concorrente. Reforzaranse os controis naqueles tramos máis perigosos das estradas convencionais onde se producen maior número de accidentes e falecidos coa velocidade como factor concorrente.
Datos de infraccións do 2021
El ano 2021 superáronse en Galicia as 378.798 sancións por velocidade inadecuada, representando 7 de cada 10 infraccións que se cometeron en estrada nese ano.
De este total, 220.677 infraccións foron detectadas por radares fixos e 158.121 por radares móbiles. O total de sancións rexistradas en Galicia foi de 509.294.
Resultados da campaña anterior
Durante a campaña que se desenvolveu o pasado ano en xullo de 2022, 202.411 vehículos foron controlados, dos que 14.144 condutores resultaron infractores e, por tanto, denunciados por exceso de velocidade, o que representa 7% do total de vehículos controlados.
| A Coruña | Lugo | Ourense | Pontevedra | Total | |
| Vehículos controlados | 84.677 | 50.505 | 11.511 | 55.718 | 202.411 |
| Vehículos denunciados | 6.599 | 4.434 | 931 | 2.180 | 14.144 |