Ourense, 15 de marzo de 2023.- El subdelegado do Goberno, Emilio González, adiantou hoxe que máis de 1.350 empresas da provincia de Ourense beneficiáronse xa do programa Kit Digital, posto en marcha polo Goberno e que forma parte do Plan de Recuperación. En total 6 millóns de euros destinados a apoiar a dixitalización destas empresas ourensás. No conxunto de Galicia o Goberno concedeu xa ao redor de 14.000 bonos o que supoñen 65 millóns de euros.
El kit dixital ten como obxectivo promover a dixitalización de pequenas empresas, microempresas e autónomos, e contribuír a modernizar o tecido produtivo e impulsar a economía.
“Estes datos supoñen unha importante inxección económica e unha aposta polo desenvolvemento económico das empresas que se traduce nun investimento histórico do Goberno de Pedro Sánchez”, subliñou Emilio González, reiterando o compromiso do Goberno coas pemes e as persoas.
El Subdelegado coñeceu hoxe de primeira man como foi o proceso dalgunhas das empresas que solicitaron o kit dixital, para intercambiar impresións nun encontro coa directiva e asociados da Asociación de Novos Empresarios de Ourense – AJE Ourense- pero sobre todo “para pór en valor a importancia destes fondos que chegan a todos os lugares, a todos os concellos e a todas as empresas de entre cero e 49 empregados para axudalas a penetrarse ou a consolidarse no mundo dixital, un paso necesario para o que non hai marcha atrás”. Durante a reunión, lembrou que as axudas do programa Kit Digital poderán solicitarse ata decembro do ano 2024.
Na reunión mantida esta mañá na subdelegación do goberno, ademais da xunta directiva da asociación, participaron tanto axentes digitalizadores con representantes das empresas Seritec e SOC Comunicación; así como, beneficiarios do kit dixital grazas ao cal lles permitiu mellorar o seu negocio en materia de creación e xestión de páxinas web, e reforzo do sistema de ciberseguridade das empresas.
Pola súa banda, a presidenta da asociación, Nuria Iglesias, puxo en coñecemento do Subdelegado, “a receptividade e importancia que ten este tipo de investimentos para o futuro das novas pemes onde practicamente todo o modelo de negocio baséase nas novas tecnoloxías e a intelixencia artificial”.
Para este programa o Goberno lanzou tres convocatorias: unha de 12.000 euros para empresas de entre 10 e menos de 50 empregados, aberta ata o 15 de marzo; outra de 6.000 euros para empresas de entre 3 e menos de 10 empregados e unha terceira liña de 2.000 euros para autónomos con cero ou menos de tres empregados
O subdelegado animou a todas aquelas empresas que aínda non solicitaron o bono dixital a que o fagan e explicou que para iso poden contar coa axuda dos axentes digitalizadores habilitados que realiza un diagnóstico, tutélaos, orienta e acompaña nese proceso digitalizador.