El programa Kit Digital, xestionado por Rede.es, entidade adscrita ao Ministerio de Asuntos Económicos e Transformación Dixital a través da Secretaría de Estado de Dixitalización e Inteligencia Artificial, xa está a impulsar a dixitalización de 5.000 pemes da provincia de Pontevedra, o que supón máis de 24 millóns de euros do Plan de Recuperación, Transformación e Resiliencia do Goberno. Así o avanzaron hoxe o delegado do Goberno en Galicia, José Miñones, e o director xeral de Rede.es, Alberto Martínez Lacambra, nunha reunión coa xunta directiva de ANFACO-CECOPESCA propiciada polo Consorcio da Zona Franca de Vigo, na que estiveron acompañados polo delegado do Consorcio, David Regades, e pola subdelegada do Goberno en Pontevedra, Maica Larriba
Durante a reunión, lembraron as axudas do programa Kit Digital poderán solicitarse ata decembro do ano 2024. As contías das axudas poden ser de 12.000€, 6.000€ e 2.000€ en función ao número de empregados que teña a empresa ou autónomo. Na reunión con ANFACO-CECOPESCA, falouse da adenda ao Plan de Recuperación que se está negociando con Europa que permitiría que as medianas empresas de entre 50 e menos de 250 empregados optasen ás axudas que ofrece este Programa.
Hasta o día de hoxe, este Programa concedeu en Galicia máis de 14.000 bonos dixitais o que supón que ao redor de 65 millóns de euros do Plan de Recuperación xa chegaron ás pemes galegas para implementar solucións básicas de dixitalización.
El director xeral de Rede.es aproveitou a reunión para pór en valor outros programas de Rede.es, como os relacionados coa Intelixencia Artificial e posibles convocatorias futuras.
Pola súa banda, o delegado do Goberno destacou que “o Plan de Recuperación do Goberno xa chega a Galicia e a Pontevedra, coa dixitalización como un dos alicerces básicos para o impulso das nosas empresas e sectores estratéxicos”. José Miñones trasladou que o tecido económico galego pode contar co Goberno como “un dos principais aliados das empresas” e animou a ir “da man” para aproveitar “a oportunidade histórica do Plan de Recuperación” e “non perder nin un só euro para Galicia”.
Oficina Acelera Peme en Cambados
Posteriormente, o director xeral de Rede.es e a subdelegada do Goberno en Pontevedra desprazáronse ao Centro Comarcal do Salnés, en Cambados, onde a Deputación Provincial de Pontevedra abrirá unha oficina Acelera Peme. Alí presentaron esta iniciativa a empresarios e empresarias da comarca xunto con a presidenta da Deputación, Carmela Silva, e o alcalde de Cambados, Samuel Lago.
Acelera peme é un programa que busca axudar ás empresas, pemes e a persoas autónomas e emprendedoras na súa transformación dixital e, con iso, fomentar a transformación da economía e da sociedade cara a unha contorna dixital. Rede.es traballa no despregamento destas oficinas en todo o territorio
O apoio concrétase en forma de axudas que reciben institucións e organismos para promover estas oficinas nos seus territorios. A Deputación de Pontevedra foi unha das entidades seleccionadas na última convocatoria de axudas para a creación destas oficinas. Grazas a esta axuda está a ofrecer soporte e asesoramento gratuítos, tanto de forma física como dixital, ás pequenas e medianas empresas da provincia en materia de transformación dixital. Tamén realizan accións de sensibilización e apoio neste ámbito.