Desde que no mes de novembro “A Administración preto de ti” arrincase a súa andaina no concello de Valdoviño percorreu xa 44 dos 67 municipios coruñeses aos que ten previsto chegar. En cada unha destas visitas tramítase o certificado dixital “in situ” das persoas que acoden. En total, durante estes meses tramitáronse xa 603 certificados dixitais e atendido a 727 persoas.
Cada semana, persoal técnico da subdelegación do Goberno desprázase a concellos da provincia, con menos de 8.000 habitantes, onde informa, orienta e liquida todas as dúbidas da cidadanía sobre os servizos dixitais aos que pode acceder.
Durante esta semana “A Administración preto de ti” visitará os concellos de Lousame o 22 de febreiro, A Baña, o día 23 de febreiro e Pontedeume o 24 de febreiro.
A subdelegada do Goberno nA Coruña, María Rivas, anima a todas as veciñas e veciños dos concellos aos que chegue este programa que acudan xa que se “trata dunha oportunidade única para tramitar o certificado dixital, ferramenta crave para poder realizar infinidade de trámites administrativos sen necesidade de desprazarse fóra do domicilio co consecuente aforro de tempo e tamén de diñeiro que isto comporta”
A subdelegada mostra a súa satisfacción pola receptividade da cidadanía durante estes tres meses nos que o programa percorreu parte do territorio da provincia.
María Rivas incide na importancia de dotar de ferramentas dixitais á cidadanía dos concellos máis pequenos para que poidan realizar desde os seus domicilios trámites básicos como prestacións, pagos de taxas públicas, permisos de conducir ou certificados de vida laboral entre outros.
A subdelegada, subliña que esta iniciativa “forma parte do compromiso do Goberno de Pedro Sánchez de avanzar na cohesión territorial, combater a fenda dixital e garantir o acceso aos servizos públicos á poboación do rural´”.
Bajo a premisa de “informar, formar e axudar”, “A Administración preto de ti” permite achegar os servizos que ofrece a Administración Xeral do Estado aos veciños de todo o territorio, independentemente de onde vivan
María Rivas lembra que, aínda que na actualidade “as novas tecnoloxías permiten aos cidadáns acceder a multitude de trámites en liña e procedementos electrónicos, este acceso á administración dixital require de medios e coñecementos adecuados no uso de ferramentas tecnolóxicas, algo que á parte da poboación de maior idade resúltalle máis difícil” Por iso é polo que programas como “A Administración preto de ti” axuden a resolver parte destas dificultades.
“A Administración preto de ti” é un programa posto en funcionamento polo Ministerio de Política Territorial coa colaboración da Federación Española de Municipios e Provincias (FEMP), que achega os trámites administrativos a 67 municipios coruñeses, o 72% dos concellos da provincia.