El delegado do Goberno en Galicia, José Miñones, lembrou hoxe a recente apertura do prazo para solicitar as axudas que permitirán á frota galega e á do resto do Estado a compensar o incremento de custos de produción polo aumento do prezo dos combustibles como consecuencia da guerra en Ucraína.
Según explicou, o Ministerio de Agricultura, Pesca e Alimentación (MAPA), abriu a pasada semana o prazo de presentación de solicitudes destas axudas, ás que poden acceder as empresas e armadores de buques e almadrabas ata o próximo 12 de marzo e ás que o Goberno destina 120 millóns de euros.
A este respecto José Miñones destacou o “enorme esforzo do Executivo de Pedro Sánchez por mitigar o impacto que o conflito bélico en Ucraína está a ter nos custos de produción das empresas que dependen dos combustibles fósiles para a súa actividade”. Na mesma liña, apuntou que “actuando nestes sectores tamén axudamos ás familias, pois o obxectivo das axudas e reducir tamén o impacto nos prezos finais dos produtos nos comprados”.
Xestión das axudas
El delegado do Goberno en Galicia explicou que estas axudas serán xestionadas directamente polas asociacións máis representativas do sector pesqueiro e acuícola. Para este fin, o Boletín Oficial do Estado (BOE) publicou nas últimas datas o convenio entre o Ministerio de Agricultura, Pesca e Alimentación e estas entidades que rexe a xestión e pago das axudas.
Entre as organizacións asinantes do este convenio figuran varias galegas, como a Organización de Palangreiros Guardeses (Orpagu); a Organización de Produtores de Buques Conxeladores de Merlúcidos, Cefalópodos e especies varias (OPPC3); a Organización de Produtores de Pesca Fresca do Porto de Vigo; a Organización de Produtores de Pesca Porto e Ría de Marín, a Asociación de Armadores de Palangre de Ribeira e Aguiño; a Organización de Produtores de Mexillón de Galicia (OPMEGA), a Organización de Produtores Pesqueiros de Burela, ou a Federación Provincial de Confrarías de Pescadores de Lugo. Xunto a elas, unha vintena de entidades locais e asociacións de ámbito estatal completan a listaxe.
Entre os labores destas asociacións están elaborar unha listaxe dos solicitantes que cumpren cos requirimentos para ser beneficiarios xunto con os importes de axuda que lles correspondan, comprobar a documentación e xustificar posteriormente o pago das axudas ante a Dirección Xeral de Ordenación Pesqueira e Acuicultura. Como contrapartida por esta colaboración, cada entidade recibirá o 1% dos fondos distribuídos, unha compensación para a que o Goberno reserva un máximo de 495.049.50 euros.