El delegado do Goberno en Galicia, José Miñones, referendou hoxe en Ferrol o compromiso do Goberno de Pedro Sánchez coa cidade e co seu alcalde, Ángel Mato, ao presentar unha nova partida de 1 millón de euros concedida polo Goberno para a restauración do Castelo de Santo Felipe. José Miñones subliñou que o Goberno está con Ferrol e co seu futuro, con cifras que “son froito da boa xestión e o bo facer do alcalde”, e que pon a Ferrol á cabeza das cidades españolas con maior investimento do Goberno: “En estes catro anos, con Pedro Sánchez no Goberno de España e con Ángel Mato na alcaldía, Ferrol captou máis de 5.000 millóns de euros de investimentos”.
Á axuda concedida para reformar o Castelo de Santo Felipe, súmanse partidas históricas, “resposta a vellas demandas desatendidas e que agora se fan realidade”, indicou o delegado. José Miñones lembrou que nestes últimos anos, o Goberno ratificou os investimentos de máis de 4.300 millóns de euros do programa de Fragatas F-110; a remodelación da avenida dAs Pías, con 11 millóns de euros; 95 millóns de euros para conectar por tren o Porto Exterior, e 3,5 millóns de euros máis para rehabilitación de vivendas.
José Miñones desprazouse hoxe ata o castelo de Santo Felipe acompañado polo alcalde de Ferrol, Ángel Mato, e a subdelegada do Goberno nA Coruña, María Rivas, para coñecer o proxecto que se desenvolverá neste bastión da ría ferrolá. O Ministerio para a Transición Ecolóxica ha seleccionado este proxecto na resolución das axudas a municipios afectados por procesos de transición xusta, que xestiona o Instituto para a Transición Xusta.
O delegado lembrou que, no ámbito desta convocatoria, o Goberno financiará 17 proxectos en 14 municipios que forman parte dos convenios de transición xusta dAs Pontes e de Meirama. A achega total do Ministerio ascende a 12,4 millóns de euros cos que, ademais da restauración de Santo Felipe, construiranse residencias de anciáns, rehabilitaranse espazos naturais para uso público ou se recuperarán espazos para centros culturais e asociativos.
José Miñones avanzou que o Instituto para a Transición Xusta está a preparar unha nova convocatoria de axudas para estes concellos con 25 millóns de euros máis a disposición: “Animo aos concellos desta comarca e de Lugo vinculados a transición xusta a preparar proxectos para concorrer a esta nova convocatoria e lograr novos investimentos”.
A esta nova convocatoria os concellos poderán presentar proxectos enfocados ao lecer e turismo, con propostas para recuperación de espazos verdes e patrimonio. Tamén poderán solicitar axudas para crear espazos que fomenten a actividade empresarial e o emprendimiento, e, mesmo, para aumentar o parque de vivenda pública de aluguer a prezos reducidos para atraer poboación.
Restauración de Santo Felipe
O proxecto, seleccionado polo Instituto para a Transición Xusta, ten como obxecto recuperar e pór en valor o Castelo de Santo Felipe, fortaleza defensiva do século XVI, declarada BIC, e que constitúe un dos exemplos de construción militar máis importantes da comarca. Para iso, actuarase na Batería Alta e na Casa do Comandante (ou Casa do Gobernador), que se atopa en estado ruinoso, para a súa adecuación como uso de cafetaría.
Os traballos previstos na Batería Alta inclúen a limpeza e reparación dos muros e o xardín para recuperar o seu carácter orixinal; mellora do acceso ao espaldón e a súa seguridade cunha nova varanda; limpeza e reparación do solado granítico no interior da batería e a adecuación dunha zona do acceso con pedra similar; e recuperación dos caños graníticos que conducían a auga á gárgola existente.
Na rehabilitación e acondicionamento da Casa do Comandante contémplase a recuperación da envolvente retirando os engadidos do século pasado; traballos de consolidación e reparación das estruturas dos muros existentes; reconstrución da estrutura horizontal da planta alta dunha das edificacións e da escaleira de comunicación coa planta baixa; reconstrución das cubertas desaparecidas respectando os sistemas construtivos orixinais; execución de novas carpintarías de madeira e instalación dun sistema de depuración de augas.