El delegado do Goberno en Galicia, José Miñones, visitou esta mañá os cinemas Cinesa As Cancelas, en Santiago de Compostela, para supervisar o apoio do Goberno de Pedro Sánchez á industria cultural e ás salas de cinema de Galicia. El delegado puxo en valor a inxección económica de máis de medio millón de euros coa que o Ministerio de Cultura e Deporte está a impulsar a actividade de 29 cinemas en Galicia que suman preto de 200 salas.
“Este Goberno protexe a nosa cultura e avanza na competitividade da nosa industria audiovisual en toda a súa cadea”, valorou José Miñones. Durante a súa visita, na que tamén participou a subdelegada nA Coruña, María Rivas, estivo acompañado polo manager territorial de Cinesa, Benito Manuel Caamaño, e o xerente de Cinesa As Cancelas, Carlos Chao.
O delegado recalcou que o sector audiovisual é estratéxico na industria cultural galega e aludiu tamén á achega de 2,5 millóns de euros do Goberno a seis produtoras de Galicia para a realización de cinco películas. “Apoiamos o futuro do noso cinema”, manifestou.
Bono Cultural
José Miñones felicitou a Cinesa pola súa capacidade e innovación e o seu esforzo por atraer aos novos públicos. Nese sentido, anunciou que proximamente se abrirá unha nova convocatoria do Bono Cultural Novo, na que o Ministerio de Industria ten orzadas axudas directas de 400 euros para os máis de 23.000 mozos que este ano/este ano cumpren a maioría de idade en Galicia. O delegado animou á mocidade a solicitar estes vales para ir ao cinema, ao teatro, a festivais ou para comprar en librarías, tendas de música ou de videoxogos, entre outras posibilidades. Tamén chamou ás empresas da industria cultural de Galicia a adherirse a este programa, como xa fixo Cinesa, para que os mozos poidan investir os bonos nos seus negocios e beneficiarse da inxección económica de máis de nove millóns de euros que supón está medida en Galicia.
Novo marco normativo
“O Goberno de Pedro Sánchez protexe a cultura e promove o seu acceso con accións como o Bono Cultural e diferentes liñas de apoio á industria”, recalcou, e engadiu o impulso a un novo marco normativo coa recente aprobación do Estatuto do Artista e do Proxecto de Lei do Cinema e a Cultura Audiovisual.
O delegado defendeu que “coidar a nosa industria cultural é coidar o noso futuro” e avanzou que “esta clara aposta do Goberno pola cultura continuará”.