O Delegado do Goberno, Rafael García Rodríguez, visitou esta semana o Centro Social de Maiores do Imserso, para coñecer 'in situ' o estado no que se atopan as instalacións e o funcionamento do mesmo. Esta visita enmárcase dentro da rolda de achegamentos que estivo realizando, ás distintas instalacións vinculadas á Administración Xeral do Estado, desde a súa toma de posesión.
García asegurou tras a visita que “é fundamental pór en valor todo o que se fai neste Centro Social. Os nosos maiores son un colectivo con gran peso na sociedade, polo que imos seguir promocionando o envellecemento activo e garantindo a igualdade de dereitos”.
Centro Social de Maiores do Imserso
Diariamente participan unhas 400 persoas nas diferentes actividades que se ofrecen nestas instalacións, situadas no Polígono Virxe de África. Informática, pintura, ximnasia,.., son só algúns dos talleres que se imparten no centro.