O Ministerio de Xustiza está a ultimar xa todos os detalles para proceder ao traslado dos xulgados do Contencioso-Administrativo 1 e 2, do xulgado do Social e do de Vixilancia Penal número 1, ao antigo edificio do Banco de España.
O traslado destes órganos xudiciais a estas novas instalacións supuxo un investimento económico de 3.361.520 euros.
18 funcionarios prestarán os seus servizos nestas remodeladas dependencias a partir do día 6 de febreiro, unhas instalacións que contan cun espazo de 2.494 metros cadrados.
O obxectivo que se pretende con esta medida, que comporta concentra varias sedes xudiciais nun único edificio, é mellorar a eficiencia organizativa, optimizar todos os recursos dispoñibles e facilitar aos cidadáns os trámites que teñan que realizar.
O Delegado do Goberno reuniuse onte a xerente Territorial de Xustiza, Eva Riesgo, para posteriormente visitar este remodelado espazo que supón a posta en valor dun edificio emblemático da cidade.