12 de decembro de 2023.- O Consello de Ministros na súa reunión de hoxe e por proposta do ministro do Interior, Fernando Grande-Marlaska, aprobou o nomeamento de Virginia Barcones Sanz como nova directora xeral de Protección Civil e Emerxencias. A designación terá efectos tras a súa publicación no Boletín Oficial do Estado (BOE).

Virginia Barcones Sanz (Soria, 6 de xuño de 1976), é licenciada en dereito pola UNED. É funcionaria de Administración Local con habilitación de carácter nacional, subescala Secretaria - Intervención. Foi secretaria-interventora de diversos concellos, vicesecretaria xeral da Subdelegación do Goberno en Soria entre 2009 e 2012, concelleira do Concello de Berlanga de Douro e deputada na Deputación Provincial de Soria entre 2007 e 2015. Igualmente ocupou o posto de procuradora nas Cortes de Castela e León tras as eleccións autonómicas de 2015 e de 2019 e o de viceportavoz do grupo parlamentario socialista nesta Cámara. Ocupou o posto de delegada do Goberno en Castela e León entre xuño de 2018 e abril de 2019 e desde outubro do 2021 ata decembro de 2023.