O Ministerio de Cultura e Deporte, a través da Dirección Xeral do Libro, do Cómic e da Lectura, pon en marcha unha nova edición do programa de actividades literarias en Institutos de Ensino Secundario de titularidade pública.
Con máis de dúas décadas de traxectoria, este programa de animación lectora ofrece ao alumnado a oportunidade de coñecer de cerca o traballo de narradores, poetas, dramaturgos, ilustradores ou tradutores, e supón unha oportunidade para que os autores participantes tomen o pulso dos intereses dos mozos lectores.
O IES Nove Vales da localidade de Ponte San Miguel, recibirá o próximo 6 de novembro a visita da autora Neves Rodríguez Rodríguez, que manterá un encontro literario co alumnado para falar sobre a súa obra, o seu proceso creativo e manter un diálogo aberto coa súa nova audiencia.
O Ministerio de Cultura e Deporte priorizou aqueles institutos que participan por primeira vez no programa ou que non tiveron actividade o ano anterior.