A delegada do Goberno, Delia Losa, recibiu a un grupo de mulleres das Forzas e Corpos de Seguridade do Estado a modo de inicio da semana do Día Internacional da Muller, que se conmemora o 8 de marzo.
Cinco policías nacionais e cinco gardas civís ás que a delegada do Goberno agradeceu o seu labor e vocación de servizo público. Losa incidiu en que o Goberno de España “aposta sen dúbida pola igualdade entre homes e mulleres, tamén nas Forzas e Corpos de Seguridade do Estado”. Nese sentido avogou por que a muller alcance na Policía Nacional e na Garda Civil “uns niveis de representación similares aos que xa ostenta no conxunto da sociedade española, que quere estar en vanguardia en políticas de igualdade”.
Á reunión, ademais da delegada do Goberno, da secretaria xeral da Delegación, Silvia Miyar, e da vicesecretaria xeral da Delegación do Goberno, Andrea pavón, asistiron: pola Policía Nacional, o inspectora xefe Ana Álvarez, a inspectora Iris Rodríguez, a subinspectora Eva Lodeiro, as policías Noelia Yebra e Rocío Trelles; e pola Garda Civil, a comandante Olga Torralbo, a brigada Beatriz Terrón, a sarxento Belén Rico e as gardas civís María Celia Doval e Carla Hernández.