Unha das principais actividades desenvolvidas polos servizos integrados da Área de Agricultura e Pesca e da Área Sanidade e Política Social , é a realización de controis sanitarios no tráfico internacional de mercadorías.

Son os servizos de Inspección de Sanidade Exterior, Sanidade Animal e Sanidade Vexetal e Farmacia os encargados da inspección sanitaria de mercadorías procedentes de terceiros países e destinadas a ser introducidas en territorio da Unión Europea e en concreto da realización dos seguintes controis:

• Control das condicións hixiénico-sanitarias no tráfico internacional de bens e alimentos susceptibles de pór en risco a saúde da poboación, talles como as equipaxes que acompañan aos viaxeiros como os envíos postais a particulares.
• Control e vixilancia hixiénico-sanitaria nas importacións de produtos destinados ao consumo humano. Así mesmo, é responsable do control sanitario de subproductos de orixe animal destinados á industria farmacéutica ou cosmética e dos residuos de cociña de medios de transporte que operan a escala internacional.
• Control sanitario de animais vivos, produtos de orixe animal non destinados ao consumo humano e produtos destinados á alimentación animal, tanto en réxime de importación como en réxime de exportación.
• Control fitosanitario en produtos vexetais, tanto en réxime de importación como en réxime de exportación.
• Control e inspección dos xéneros medicinais en fronteira, tanto en réxime de importación como de exportación.

Toda a información atópase dispoñible no portal do Ministerio de Agricultura, Pesca e Alimenación: Sanidade Animal / Ministerio de Agricultura, Pesca e Alimentación: Sanidade Vexetal e do Ministerio de Sanidade, Consumo e Benestar Social .