O secretario de Estado de Memoria Democrática, Fernando Martínez, presidiu hoxe nA Coruña, a constitución e primeira reunión da Comisión técnica do Pazo de Meirás.
Delegación do Goberno en Galicia, A Cpruña
Na reunión, Martínez sinalou que a intención do Goberno é que Meirás se converta nun referente para a recuperación da Memoria Democrática do noso país. Explicou que o obxectivo do executivo é defender os intereses xerais do patrimonio público dos españois.
Esta Comisión créase por proposta da vicepresidenta primeira, Carmen Calvo, na reunión mantida o pasado 9 de decembro nA Coruña, tras a decisión xudicial que entregou a Patrimonio do Estado a titularidade do ben, en execución provisional. Nela participan as institucións interesadas no futuro uso do Pazo: a Xunta de Galicia, a Deputación da Coruña e os consistorios de Sada e A Coruña.
Nesta reunión, o secretario de Estado ha plantedo un marco de colaboración das distintas institucións coa Administración Xeral do Estado que podería concretarse coa sinatura dun convenio de colaboración. Neste sentido, e en relación cos usos que se lle van a dar ao Pazo, expúxose que un grupo de expertos axude a tomar a decisión máis adecuada.
O secretario de Estado tamén manifestou que as visitas ao Pazo de Meirás deberían renovarse canto antes e servir para explicar a realidade da historia recente de España, desde un punto de vista democrático, afastado do enaltecemento do ditador que se realizaba ata agora no inmoble. Finalmente, subliñou que hai que ter presente que o Pazo foi no seu día propiedade de Emilia Pardo Bazán polo que debe ser, ademais un lugar de referencia e reivindicación da cultura galega e española.
O secretario de Estado de Memoria Democrática quixo destacar o clima de cooperación existente entre todas as administracións representadas na Comisión, que vai permitir que todas as administracións, cada unha no marco das súas competencias, colaboren de maneira coordinada coa Administración Xeral do Estado, que é a depositaria do ben, na preservación e conservación do lugar.
Antes da constitución da Comisión técnica, o secretario de Estado mantivo unha reunión de traballo con investigadores e expertos académicos, coñecedores das características e a historia do inmoble.