Ir ao contido

Rexistro e Censo Estatal de Vítimas

Regulado no artigo 9.1 da Lei 20/2022, do 19 de outubro, de Memoria Democrática, permite incorporar información relativa a persoas falecidas ou desaparecidas como consecuencia da represión exercida durante a Guerra de España (1936–1939) e a Ditadura franquista.

A inscrición ten carácter simbólico e reparador, sen efectos xurídicos nin económicos, e responde o compromiso institucional de preservación e difusión da memoria democrática.

QUEN PODE SOLICITAR A INSCRICIÓN?

Calquera persoa interesada que poida xustificar documentalmente a súa relación coa vítima ou o interese lexítimo para a presentación da solicitude. En particular:

  • Familiares directos ou colaterais
  • Representantes legais
  • Investigadores/as e entidades memorialistas

QUE DOCUMENTACIÓN DEBE ACHEGARSE

  • Formulario oficial debidamente cuberto (Anexo II do Real Decreto 265/2025)
  • Documentación identificativa ou contextual da persoa vítima (se se dispón)
  • Fontes archivísticas, bibliográficas ou testemuñais que xustifiquen a feitos
  • Declaración responsable (só para investigadores de recoñecido prestixio ou entidades memorialistas)

COMO SE PRESENTA A SOLICITUDE

🏢 Presencialmente

A solicitude, xunto con o resto de documentación arriba explicitada, poderase presentar en calquera rexistro da Administración Xeral do Estado, das Comunidades Autónomas ou das Entidades Locais (Concellos), mediante oficio remitido á seguinte dirección:

Dirección Xeral de Atención ás Vítimas

Ministerio de Política Territorial e Memoria Democrática
C/ Miguel Ángel, 21
28010 – Madrid

💻 Telematicamente (require certificado dixital)

A través da sede electrónica do Ministerio, na ligazón que estará dispoñible proximamente.

PRAZOS E RESOLUCIÓN

O prazo máximo para resolver é de tres meses desde a entrada da solicitude. Se transcorre sen notificación expresa, a inscrición entenderase estimada por silencio positivo.

Contra a resolución de inscrición, modificación ou cancelación poderá interporse recurso de alzada ante a Secretaría de Estado de Memoria Democrática, segundo o previsto na Lei 39/2015, de Procedemento Administrativo Común.

INFORMACIÓN E CONSULTAS

Para calquera dúbida ou consulta, poden dirixirse á caixa de correos da Oficina de Atención ás Vítimas da Guerra e da Ditadura, oficina.victimas@correo.gob.es