Instituto Cervantes, Madrid
A vicepresidenta primeira do Goberno e ministra de Presidencia, Relacións coas Cortes e Memoria Democrática, Carmen Calvo, e o director do Instituto Cervantes, Luís García Montero, van presentar o xoves, 29 de outubro, as Xornadas Galdosianas Historiar o futuro, un programa multidisciplinar co que culmina o Ano Galdós e que inclúe a inauguración da exposición na sede madrileña do Instituto Cervantes A realidade dunha esperanza. Galdós, a memoria e a poesía, que poderá visitarse ata o 31 de xaneiro de 2021. A vicepresidenta vai estar acompañada polo secretario de Estado de Memoria Democrática, Fernando Martínez.
Carmen Calvo fará un percorrido pola mostra, cuxo comisario é Luís García Montero, e na que se exhiben case 120 pezas, entre manuscritos, primeiras edicións, publicacións periódicas e documentos procedentes de diversas institucións e coleccións privadas do creador dos soados Episodios Nacionais.
Tras o acto de presentación na sede central do Instituto Cervantes, no que intervirán a vicepresidenta do Goberno e o director do Instituto Cervantes, as xornadas continuarán co investigador Eusebio Fernández García, que pronunciará a conferencia A tolerancia como virtude democrática.
Pola tarde, o historiador José Álvarez Junco falará sobre Galdós e o nacionalismo español , tras o cal tres dos grandes expertos no autor de Fortunata e Jacinta, Yolanda Arencibia, Germán Gullón e José-Carlos Mainer, charlarán na mesa redonda Sabios lectores de Galdós.