España recoñece o labor de defensa da liberdade e os principios democráticos que levaron a cabo os voluntarios integrantes das Brigadas Internacionais na Guerra Civil española.

Ese recoñecemento xa se manifestou en 1996, ao concederlles, por Real Decreto do 19 de xaneiro, o dereito a adquirir a nacionalidade española por carta de natureza. Con todo, o acceso á nacionalidade por esta vía está suxeito ao requisito de ter que renunciar á anterior, polo que un bo número de brigadistas non fixo efectiva a adquisición da nacionalidade española.

A Lei 52/2007, coñecida como Lei de Memoria Histórica, no seu artigo 18, recoñecía de novo e dun modo singularizado o labor dos brigadistas e ampliaba o seu dereito á nacionalidade española eliminando o requisito de ter que renunciar á súa anterior nacionalidade.

A Lei 20/2022, de Memoria Democrática, no seu artigo 33 fixa a concesión da nacionalidade española aos voluntarios integrantes das Brigadas Internacionais.

• Para os efectos do artigo 21.1 do Código Civil enténdese que concorren circunstancias excepcionais nos voluntarios integrantes das Brigadas Internacionais que participaron na Guerra de 1936 a 1939 para a adquisición da nacionalidade española por carta de natureza, non séndolles de aplicación a esixencia de renuncia á súa anterior nacionalidade requirida no artigo 23.b) do Código Civil. Así mesmo entenderase que concorren as mesmas circunstancias nos descendentes dos brigadistas que acrediten un labor continuado de difusión da memoria das súas ascendientes e a defensa da democracia en España.
• Os requisitos e o procedemento a seguir para a adquisición da nacionalidade española por parte das persoas mencionadas no apartado anterior serán os establecidos reglamentariamente.