4.7.2019
Collonges-sous-Salève (Francia)
O Goberno de España recupera a mesa na que Manuel Azaña asinou a súa carta de dimisión como presidente da República en marzo de 1939. A secretaria de Estado, Irene Lozano, recibiuna, en nome do Goberno, na localidade francesa de Collonges-sous-Salève, preto da fronteira suíza. "Esta restitución á nosa memoria histórica, ademais de contribuír á democracia e á liberdade, tamén presta un servizo á verdade histórica", afirmou durante a doazón que se levou a cabo no domicilio de Luc Franzoni.
Franzoni é neto de Marcel Griaule, quen acolleu a Azaña durante os primeiros meses do seu exilio en Francia. A familia custodiou a mesa durante 80 anos. Ata que se cumpran os trámites para o seu traslado a España, a mesa queda depositada no Consulado de Lyon. O Goberno confía en traela a España este mesmo ano, no marco dos actos de conmemoración do 80 aniversario do exilio republicano.
