O ministro de Política Territorial e Memoria Democrática, Anxo Víctor Torres, anunciou este mércores que impulsará unha investigación sobre os traballos forzados en España co obxectivo da elaborar un censo de vítimas e un inventario de edificacións construídas con traballos forzados durante a ditadura: “Crébasenos a alma cando escoitamos os testemuños de fillas e netas de quen sufriron presidio por defender a democracia e que foron obrigados a traballar forzosamente en condicións de miseria e illamento inhumanas”.
Son declaracións que fixo Torres no transcurso dunha visita ás ruínas do Destacamento Penal de Chozas da Serra, no que durante a ditadura estiveron confinados máis de 2.000 presos republicanos dos 6.000 que traballaron na construción da liña do tren entre Chamartín e Lozoya, do ferrocarril Madrid-Burgos.