O ministro de Política Territorial e Memoria Democrática, Anxo Víctor Torres, destacou que na súa primeira reunión cos delegados e delegadas do Goberno nas comunidades e cidades autónomas "compartíronse experiencias, como achegar a Administración aos cidadáns, e explicáronse as reformas emprendidas, entre elas, máis dixitalización para actualizar o padrón e a Lei de bases de réxime local, e subliñou que o Ministerio de Política Territorial e Memoria Democrática vai estar sempre á beira de todos os territorios”.
No balance do realizado o último ano destaca 'A Administración preto de ti' unha experiencia para achegar a Administración aos núcleos de poboación máis pequenos, cun resultado positivo: nos primeiros doce meses, asistiu a 3.600 pequenos municipios, atendeu a 40.000 persoas e emitiu máis de 30.000 certificados dixitais para que os habitantes dos pequenos municipios poidan acceder á Administración electrónica.