A ministra de Política Territorial e Portavoz do Goberno, Isabel Rodríguez, destacou a magnitude dos cambios no mundo da comunicación, que fai máis necesario ser fieis ás regras básicas da profesión xornalística: “Ser honestos, abordar as noticias desde o rigor e esforzarse en conseguir a verdade. Sen bo xornalismo, non hai verdade, e sen verdade, non hai liberdade. A verdade sempre ten que prevalecer”.
Isabel Rodríguez, que inaugurou a Conferencia Anual da Asociación de Medios de Información (AMI), dirixiuse ás empresas xornalísticas e aos profesionais: “Desempeñades un papel fundamental para garantir o dereito que asiste á cidadanía a acceder a unha información libre e veraz. Vivimos un tempo importante para a defensa da democracia no contexto internacional, e defender a democracia é defender a liberdade de expresión”.
A ministra fixo un dobre recoñecemento público en nome do Goberno, tanto ás empresas xornalísticas como aos homes e mulleres que exercen a profesión xornalística.