A ministra de Política Territorial e portavoz do Goberno, Isabel Rodríguez, destacou hoxe que “a xustiza social é unha política de país”.
Isabel Rodríguez, que clausurou o acto dos dez anos da Plataforma do Terceiro Sector, en substitución do presidente do Goberno, polos cambios na súa axenda tras a dimisión do presidente do Consello Xeral do Poder Xudicial, remarcou que “o Goberno é consciente de que ao escudo social despregado na pandemia -ERTE ou Ingreso Mínimo Vital- hai que sumar o valor de escudo cívico representado polo terceiro sector”.
Un escudo invisible moitas veces, indicou, pero despregado por todos os recunchos da nosa sociedade e que nos momentos máis duros multiplícase e intensifícase “desde a xestión do virus ata a xestión dunha guerra, pasando polo volcán, as barcazas cheas de xente ou os refuxiados que temos que acoller… Sempre estivestes presentes e ningún Estado debe obviar este escudo solidario, comprometido e tremendamente necesario”.