A ministra de Política Territorial e portavoz do Goberno, Isabel Rodríguez, clausurou o I Encontro de alcaldesas, e defendeu a democracia, que permite ás mulleres todas as súas conquistas: “A democracia e o feminismo trouxéronnos a igualdade, por tanto, máis igualdade e máis feminismo traerannos unha democracia mellor”.
O I Encontro de Alcaldesas é un foro celebrado nA Coruña para reflexionar sobre a presenza da muller en postos de responsabilidade no ámbito local. O debate enfocouse tamén nos retos que teñen por diante, xa que só representan hoxe o 22 por cento dos primeiros rexedores españois.