O Ministerio de Política Territorial convoca axudas correspondentes ao acordo aprobado polo Consello de Ministros do 24 de agosto de 2021, que declarou zona afectada gravemente por unha emerxencia de protección civil ás comunidades autónomas de Andalucía, Aragón, Canarias, Castela-A Mancha, Castela e León, Cataluña, Comunitat Valenciana, Estremadura, Illes Balears, Comunidade de Madrid, Comunidade Foral de Navarra, A Rioxa e Principado de Asturias por incendios forestais.
O extracto da resolución do secretario de Estado de Política Territorial, xa publicado no Boletín Oficial do Estado (BOE), tamén contempla axudas para a Comunitat Valenciana, por inundacións rexistradas na provincia de Valencia entre o 4 e o 9 de novembro de 2020, e á Rioxa, por inundacións entre o 14 e o 16 de xuño de 2021.