O secretario de Estado de Política Territorial, Alfredo González, presentou en Melilla o futuro Plan Estratéxico Integral, que será a folla de ruta para a transformación económica e social da Cidade.
Tras a reunión mantida co presidente de Melilla, Eduardo de Castro, Alfredo González subliñou que a súa presenza, como onte en Ceuta, reflicte o firme compromiso do Goberno de España con ambas as cidades, cos seus cidadáns e coas súas institucións.
O secretario de Estado reiterou que “o Goberno considera unha prioridade a actuación en Melilla e en Ceuta, cos obxectivos de incentivar a creación de oportunidades no territorio, asegurar a súa viabilidade económica e reforzar a cohesión social”.