Os municipios con máis de 50.000 habitantes ou capital de provincia, que dispuñan ata mañá mércores, 15 de decembro, para presentar por vía telemática os seus proxectos de dixitalización e modernización, poderán facer ata o mércores 29 de decembro.
O Ministerio de Política Territorial, xunto ao Ministerio de Asuntos Económicos e Transformación Dixital, amplía o prazo dúas semanas para facilitar na recta final do ano a presentación de solicitudes a todas as EELL con máis de 50.000 habitantes ou capital de provincia.
A ministra de Política Territorial, Isabel Rodríguez, asinaba o 6 de novembro a Orde que publicaba o BOE coa convocatoria de subvencións no marco do Plan de Recuperación, Transformación e Resiliencia (PRTR).