- Do mesmo xeito que en ocasións anteriores, colaboran os ministerios de Sanidade e Política Territorial e Función Pública e a distribución será coordinada polas delegacións e subdelegacións do Goberno en cada comunidade autónoma
- Esta partida súmase aos máis de 13 millóns de máscaras que se distribuíron polas mesmas canles o pasado mes de marzo
O Goberno distribúe esta semana un total de 14.465.000 máscaras cirúrxicas destinadas a colectivos vulnerables a través da Federación Española de Municipios e Provincias (FEMP) e de diversas entidades sociais.
Como en ocasións anteriores, nesta acción colaboran os ministerios de Sanidade e de Política Territorial e Función Pública e a distribución coordinarase a través das delegacións e subdelegacións do Goberno en cada comunidade autónoma.
En concreto, repartiranse máis de 7,2 millóns de máscaras a través da FEMP en entidades locais, mentres que os outros 7,2 millóns distribuiranse entre as entidades sociais Cáritas (308.000); Cruz Vermella (3.466.000); a Rede Europea de Loita contra a Pobreza e a Exclusión Social, EAPN (2.008.000); e o Comité Español de Representantes de Persoas con Discapacidade (CERMI), que recibirá 504.000 unidades.
Nesta ocasión, tamén se distribuirán un total de 932.000 máscaras a través da Federación Española de Bancos de Alimentos (FESBAL), ademais de 41.000 unidades que se destinarán directamente ás cidades autónomas de Ceuta e Melilla, para atender a demanda no ámbito escolar.
O envío previsto para a próxima semana súmase aos máis de 13 millóns de máscaras que se distribuíron o pasado mes de marzo polas mesmas canles, aos que agora se suma a FESBAL.
Así mesmo, ao longo de 2020, distribuíronse máis de 64 millóns de máscaras entre a FEMP e entidades sociais; 32 millóns, concretamente, entre os meses de novembro e decembro para reforzar a campaña entre os colectivos en situación de maior vulnerabilidade económica a finais de ano.