- O ministro de Política Territorial e Función Pública traslada a súa vontade de diálogo para colaborar no deseño de plans de formación sobre esta materia para empregadas e empregados públicos
O ministro de Política Territorial e Función Pública, Miquel Iceta, reuniuse co Alto Comisionado de Loita contra a Pobreza Infantil, Eugenio Gasco, con quen abordou a incorporación das políticas públicas relacionadas coa pobreza infantil nos cursos de formación para empregadas e empregados públicos que organiza o Instituto Nacional da Administración Pública (INAP).
O ministro trasladou a súa vontade de manter o diálogo para colaborar, a través do INAP, así como apoiar e orientar no deseño dos plans que se presenten.
Neste sentido, Iceta comprometeuse a valorar de forma positiva os programas específicos que sexan remitidos á Comisión Xeral de Formación para o Emprego das Administracións Públicas.