Darias destaca como obxectivos do orzamento de Política Territorial e Función Pública, “incrementar a confianza da cidadanía no público e contribuír a mellorar o funcionamento da Administración”

A ministra de Política Territorial e Función Pública defendeu este martes as contas do seu departamento no Congreso dos Deputados, onde sinalou que estes son “uns orzamentos progresistas e transformadores”; unha oportunidade para avanzar. “É un orzamento con horizonte de país e para mirar ao futuro con esperanza”, subliñou.

Na súa intervención, a ministra Darias resumiu os obxectivos das contas do seu departamento: “Contribuír á cohesión territorial, potenciando as políticas de cooperación do Estado coas comunidades autónomas e as entidades locais, e o bo funcionamento e a modernización das administracións públicas”.