A ministra de Política Territorial e Función Pública, Carolina Darias, e o presidente da Federación Española de Municipios e Provincias (FEMP), Abel Caballero, mantiveron unha reunión na que acordaron unha axenda de traballo para dar un impulso á cooperación no ámbito local.
Previamente subscribiron o convenio entre o Ministerio de Política Territorial e Función Pública e a FEMP, que ten por obxecto canalizar a subvención prevista no Real Decreto 544/2020, do 26 de maio, por un importe de dous millóns de euros.
Este financiamento destínase ás actividades da FEMP durante 2020, que permita, entre outras tarefas, a súa xestión ordinaria e colaborar no desenvolvemento das políticas da UE, nas políticas nacionais con incidencia nas entidades locais e cooperar na organización de actividades de interese xeral e na realización de estudos de carácter local.