A ministra Carolina Darias anunciou no Senado que o Ministerio de Política Territorial e Función Pública traballa nun novo real decreto para axilizar as axudas por catástrofes naturais, que recortará os tempos e simplificará os trámites.
A ministra de Política Territorial e Función Pública, que respondeu a unha interpelación no Senado, indicou que o Goberno é consciente do duro impacto en moitos municipios das DANAs e borrascas ocorridas no outono de 2019 e xaneiro de 2020, e a importancia das axudas para as zonas afectadas.
Carolina Darias reiterou o compromiso de resolver os trámites precisos no menor tempo posible co obxectivo de que as axudas cheguen canto antes ás entidades que as necesitan.