A partir de mañá luns, o Goberno de España despregará un amplo operativo en todas as comunidades autónomas para reforzar e dar cumprimento á medida anunciada o sábado polo presidente do Goberno, que establece a obrigatoriedade do uso de máscaras no transporte público. O Sistema Nacional de Protección Civil, baixo a coordinación da Dirección Xeral de Protección Civil e Emerxencias do Ministerio do Interior, estará á fronte dun dispositivo que prevé a repartición, en todo o territorio nacional, de ata 6 millóns de máscaras o luns e o martes.