O Ministerio de Política Territorial e Función Pública recibiu un premio especial e o recoñecemento ao seu labor pola integración das persoas con discapacidade nas ofertas de emprego público da Administración Xeral do Estado (AGE).
O galardón recibiuno María Isabel Borrel, nova directora xeral de Función Pública, que asistiu ao acto desenvolvido en Toledo e no que, Plena Inclusión, entregou outros tres “Premios de Emprego Público e Discapacidade Intelectual”, elixidos entre 16 candidaturas presentadas, para distinguir o labor doutras administracións e organismos públicos que desenvolven convocatorias específicas de emprego público para persoas con discapacidade intelectual.
Plena Inclusión quixo entregar estes primeiros ‘Premios de Emprego Público e Discapacidade Intelectual’, para distinguir o labor que, neste sentido, desenvolven as administracións públicas.