A Arquería, Novos Ministerios, Madrid (España)
A mostra debe o seu nome á obra de Antonio Buero Vallejo, "O tragaluz. Foi organizada pola Secretaría de Estado de Memoria Democrática do Ministerio da Presidencia, Relacións coas Cortes e Memoria Democrática, a Fundación Enaire do Ministerio de Transportes, Mobilidade e Axenda Urbana e Acción Cultural Española (ACE). Recolle máis de 600 obras orixinais procedentes de moi diversas institucións culturais como o Museo Nacional do Prado, Centro documental da Memoria Histórica de Salamanca, Museo de Belas Artes de Bilbao, e Museo do Exército, entre outros.
A exposición ponnos fronte ao espello das múltiples loitas pola consecución da liberdade e a democracia en España, e os dereitos individuais e colectivos que gozamos na actualidade. Consta de catro unidades temáticas, abarcando cronoloxicamente desde mediados do século XIX ata o final da ditadura franquista. O Tragaluz propón unha viaxe pola Revolución de 1868 - a Gloriosa- e o Sexenio Democrático, os procesos de descolonización, a proclamación e desenvolvemento do II República, o golpe de estado de 1936, a guerra que desencadeou o fracaso deste golpe, a ditadura de Franco e as orixes da Transición.
As loitas polos dereitos e as liberdades - entre elas a abolición da pena de morte, o final da escravitude, o avance dos dereitos das mulleres, os dereitos de asociación e publicación, o laicismo e a liberdade relixiosa, o sufraxio universal, e finalmente o sistema democrático- tiveron un custo social, político e humano moi alto e involucraron tanto ás institucións como á sociedade civil.
Foi comisariada por Germán Labrador Méndez, catedrático da Universidade de Pricenton. Con esta exposición reábrese o Centro de Arte da Arquería dos Novos Ministerios tras unha importante restauración que o converte nun referente cultural imprescindible da vida cultural madrileña.
"O tragaluz democrático. Políticas de vida e morte no Estado español (1868-1976)" pode visitarse ata o próximo 23 de xullo, de martes a sábado de 11 a 20 h e os domingos e festivos de 11 a 13 h.