Ir ao contido

O secretario de Estado de Memoria Democrática preside a constitución da Comisión do Pazo de Meirás

14/12/2020
O secretario de Estado de Memoria Democrática preside a constitución da Comisión do Pazo de Meirás

O secretario de Estado de Memoria Democrática, Fernando Martínez, vai realizar mañá, 15 de decembro, unha visita oficial á Coruña na que vai presidir a constitución da Comisión técnica do Pazo de Meirás. Nesta Comisión participan todas as administracións interesadas: ministerio de Presidencia, Relacións coas Cortes e Memoria Democrática, a través da Secretaría de Estado de Memoria Democrática; Xunta de Galicia, Deputación da Coruña e os consistorios de Sada e A Coruña.

Delegación do Goberno, A Coruña

A constitución desta Comisión vai permitir que todas as administracións interesadas, cada unha no marco das súas competencias, colaboren de maneira coordinada coa Administración Xeral do Estado, que é a depositaria do ben, na preservación e conservación do lugar. Esta Comisión técnica será a encargada de ordenar a xestión do Pazo ata que se produza unha sentenza firme sobre a devolución definitiva do Pazo ao Patrimonio do Estado.

A seguir, ofrecémoslles o programa da visita do secretario de Estado.

09.00H: Reunión na Delegación do Goberno en Galicia co delegado do Goberno, Javier Losada, e a subdelegada do Goberno, Pilar López-Riobóo

12.00H: Reunión con investigadores e expertos académicos sobre o Pazo de Meirás na Delegación do Goberno en Galicia.

17.00H: Constitución da Comisión do Pazo de Meirás. Sala de reunións da Delegación do Goberno en Galicia. (Os medios gráficos poderán tomar imaxes ao comezo da reunión)