Os actos de homenaxe do que foi o último presidente do II República española que agora comezan, estenderanse ata a próxima primavera e incluirán conferencias, coloquios, mesas redondas, exposicións, concertos, teatro, danza, cinema de época e lecturas da súa obra, entre outras actividades.
O eixo central do programa conmemorativo será a exposición "Azaña: intelectual e estadista. Aos oitenta anos do seu falecemento no exilio", cuxa inauguración na Biblioteca Nacional terá lugar o próximo 17 de decembro.
Outro dos fitos destacados da programación serán os "Coloquios Azaña", que contarán coa participación de intelectuais e expertos na súa figura e que se celebrarán no Ateneo de Madrid do 18 ao 30 de novembro, Clausúraa realizaraa a vicepresidenta primeira, Carmen Calvo, o próximo 30 de novembro. A inauguración destes coloquios correrá a cargo do secretario de Estado de Memoria Democrática, Fernando Martínez.
O "Ciclo Café Azaña" contará cun amplo cartel artístico e cultural que incluirá actividades relacionadas coa música, a danza, o cinema de época ou o teatro, e cuxos escenarios serán o Instituto Cervantes, a Residencia de Estudantes, o Círculo de Belas Artes e a Biblioteca Nacional de España. As actividades do "Ciclo Café Azaña" celebraranse entre o 20 de xaneiro e o 24 de marzo de 2021.
Alcalá de Henares, a súa cidade natal, tamén acollerá un amplo programa de actividades conmemorativas entre as que destacan: un ciclo de coloquios acompañados de lecturas de textos de Manuel Azaña; a presentación dunha guía cos lugares da cidade vinculados ao político e unha exposición que recolle a relación de Azaña con esta localidade, da que o seu pai e o seu avó foron alcaldes.
O programa conmemorativo completarase coa emisión en Radio Televisión Española de varios podcats con fragmentos dos seus discursos e un ciclo de películas dos anos 30 na Filmoteca Española.
Con este completo programa que ten como comisaria xeral a Anxos Egido, catedrática de Historia Contemporánea, o goberno quere homenaxear a unha das personalidades máis destacadas da España do século XX, cando se cumpren 80 anos do seu falecemento no exilio, na cidade francesa de Montauban. Un programa que tivo dous importantes prólogos con senllos actos de homenaxe desarrolllados no Congreso dos Deputados e en Alcalá de Henares.
