- Este partido está considerado de alto risco, polo que se reforzará a seguridade nos arredores do estadio
- Prevese a asistencia de 3500 espectadores italianos con entrada
Madrid, 13 de marzo de 2024.- A Delegación do Goberno en Madrid activará un dispositivo de seguridade integrado por 1265 efectivos para o partido de volta dos oitavos de final da UEFA Champions League que disputarán hoxe mércores, 13 de marzo, o Atlético de Madrid e o Inter de Milán, no estadio Cívitas Metropolitano, a partir das 21:00 horas. Este encontro foi catalogado como de alto risco pola Comisión Antiviolencia.
O operativo, que se encargará de vixiar as zonas contiguas ao estadio para previr incidentes, estará formado por axentes da Policía Nacional —procedentes da Unidade de Intervención Policial, a Unidade Especial de Cabalaría e a Brigada Provincial de Información—; da Policía Municipal de Madrid; compoñentes do SAMUR-Protección Civil; do Corpo de Bombeiros; membros de Cruz Vermella, e vixiantes e auxiliares de seguridade do propio club de fútbol.
Prevese a asistencia de preto de 3500 afeccionados italianos nun estadio que estará completo, con 70.000 entradas vendidas.
Para axilizar o traballo dos axentes, recoméndase a todos os asistentes ao estadio que acudan con antelación para pasar os controis de seguridade establecidos.