- López sostén que “non podemos falar dunha sociedade avanzada mentres as mulleres sigan atopando máis obstáculos e mentres non haxa presenza do campo na axenda pública”
- La subdelegada pone en valor la colaboración institucional, a través de leyes y políticas públicas, para alcanzar una sociedad más igualitaria y más justa
- Na cuarta edición do Foro Activistas do Rural presentan o II Observatorio Activistas do Rural, dedicado ao liderado feminino no campo
A subdelegada do Goberno en Lugo, Olimpia López, puxo en valor hoxe “o papel e liderado das mulleres no campo e a súa innegable contribución ao sector agrario” e destacou o compromiso do Goberno de España, a través de “leis e políticas públicas”, coa igualdade real entre homes e mulleres e coas organizacións “que fan crecer ao conxunto da sociedade”.
Durante a inauguración do IV Foro Activistas polo Rural, organizado polo Grupo Lence, coa súa presidenta Carmen Lence á cabeza, Olimpia López lembrou que “Lugo é unha das provincias con maior carácter rural de España e o sector agrario té unha gran importancia na nosa economía” e engadiu que “non podemos falar dunha sociedade avanzada mentres as mulleres sigan atopando máis obstáculos e mentres non haxa presenza do campo na axenda pública”.
A subdelegada fixo fincapé en que o mundo rural leva décadas afrontando retos complexos. “Por iso, temos que situar a este sector nel centro da nosa actividade, xunto as mulleres preparadas e formadas con que contamos”. Neste camiño, engadiu, “o Goberno de España estará sempre apoiando os encontros onde as mulleres ocupen os mesmos espazos e exerzan o poder da mesma forma que o fan os nosos compañeiros”.
Por último, López concluíu enxalzando o papel do activismo e das iniciativas “nas que as mulleres comparten experiencias e traballan en rede, facendo crecer ao conxunto da sociedade”, como o II Observatorio Activistas do Rural, presentado no Foro. Neste sentido, engadiu, “contaredes coa colaboración institucional para avanzar cara unha Galicia máis igualitaria, máis xusta e con máis oportunidades para todas”.