- A subdelegada do Goberno inaugura unha xornada sobre a intervención con mulleres vítimas de violencia machista e menores expostos
- Tres especialistas en psicoloxía abordan os procedementos de actuación e a atención ás vítimas en situacións de urxencia
- La actividad, organizada con motivo del 25N, se celebra en el salón de actos de la Agencia Tributaria de Lugo
Olimpia López, subdelegada do Goberno en Lugo, inaugurou esta mañá a xornada «Intervención na urxencia con vítimas de violencia de xénero e menores expostos», organizada con motivo do 25 de novembro, Día Internacional da Eliminación da Violencia contra a Muller, no salón de actos da Axencia Tributaria de Lugo.
Durante a súa intervención, López destacou a importancia de contar con profesionais preparados para ofrecer unha resposta adecuada ante situacións de violencia machista. «Cando se produce unha situación de violencia de xénero que require unha intervención urxente, cada decisión importa. A maneira de escoitar, de actuar e de acompañar pode marcar a diferenza», sinalou.
A subdelegada fixo especial fincapé na atención aos menores expostos á violencia de xénero. «Non son simples testemuñas do que acontece. Tamén sofren as consecuencias da violencia e precisan dunha atención adaptada ás súas circunstancias», advertiu.
A xornada contou coa participación de Fátima López Rodríguez, psicóloga especializada en emerxencias e coordinadora da quenda de atención psicolóxica especializada en violencia de xénero do Colexio oficial de Psicoloxía de Galicia; Rubén Villar Trenco, psicólogo especializado na intervención en violencia de xénero e coordinador do servizo de garda psicolóxica para mulleres e menores; e María Rosa Álvarez Prada, psicóloga clínica e decana do Colexio oficial de Psicoloxía de Galicia.
As intervencións centráronse na atención psicolóxica ás vítimas, a avaliación dos riscos e a coordinación dos profesionais que actúan en situacións de urxencia. A xornada completouse cunha quenda de preguntas para resolver dúbidas e compartir experiencias.