“El Concello de Val do Dubra é un exemplo de boa xestión, con iniciativas que ofrecen apoio real ás familias e espazos seguros e educativos para as crianzas”, sinalou María Rivas.
La subdelegada do Goberno nA Coruña, María Rivas, visitou esta mañá xunto con o alcalde de Val do Dubra, Diego Díaz, o campamento de verán que se está desenvolvendo nas instalacións do CPI de Bembibre, co apoio do Plan Corresponsables do Ministerio de Igualdade.
Durante a visita, Rivas destacou o “firme compromiso do Goberno de España coa igualdade e coa conciliación”, que neste concello tradúcese nun investimento de 55.000 euros para facilitar o coidado das crianzas e apoiar ás familias.
O campamento acolle a uns 150 nenos e nenas durante todo o verán, cun horario flexible de 7:30 a 16:00 horas, que permite ás familias adaptar a súa xornada laboral sen renunciar a un servizo de calidade. As actividades teñen un forte compoñente lúdico e educativo, fomentando a convivencia, a autonomía e valores como a igualdade e o respecto.
Ademais do campamento, o Concello tamén emprega os fondos do Plan Corresponsables para reforzar a Escola Infantil de 0 a 3 anos e para manter activo o Plan Madrugadores nos centros CPI de Bembibre e CEIP Xacinto Amigo Lera, beneficiando a un total de 30 crianzas.
El Plan Corresponsables, financiado polo Ministerio de Igualdade a través da Secretaría de Estado de Igualdade e contra a Violencia de Xénero, destinou este ano 2.146.532,77 de euros a 63 concellos da provincia da Coruña. En total, a Comunidade Autónoma recibe 6.466.334,82 euros, mediante fondos transferidos á Xunta de Galicia.
Este Plan ten como obxectivo garantir o dereito universal aos coidados e á conciliación, independentemente da situación laboral ou persoal das familias. Ademais, contribúe tamén a dignificar e profesionalizar os coidados, fomentando o emprego e recoñecendo a experiencia non formal neste campo, o que repercute positivamente na calidade dos servizos que reciben as crianzas.
Por iso, destacou a subdelegada “queremos pór en valor o esforzo de concellos como Val do Dubra, que están a utilizar os fondos con responsabilidade, visión e compromiso social”, engadindo que “non se trata só de facilitar a conciliación, senón de garantir o dereito ao coidado e avanzar cara a unha sociedade máis igualitaria e corresponsable”.
O Plan Corresponsables, que este ano/este ano repartiu ás Comunidades e ás Cidades Autónomas máis de 142,5 millóns de euros, é competencia da Secretaría de Estado de Igualdade e para a Erradicación da Violencia contra as Mulleres, e baséase nun sólido marco xurídico e político: o artigo 44 da Lei Orgánica 3/2007 de igualdade efectiva entre mulleres e homes, o artigo 24 da Carta de Dereitos Fundamentais da UE, as recomendacións da Estratexia Europea de Coidados (2022) e un enfoque de garantía de dereitos universais, independentemente da situación laboral das persoas beneficiarias.
