El delegado do Goberno en Galicia, Pedro Blanco, mantivo esta mañá unha reunión de traballo con representantes do Colexio de Avogados da Coruña, encabezados polo seu decano, Augusto Pérez-Cepeda. No encontro participaron tamén o secretario, José Delgado, a delegada do Colexio en Ribeira, María Briones, e a membro da Xunta de Goberno, María Blanco.
Durante a reunión, o delegado escoitou as necesidades e propostas do colectivo e destacou o papel fundamental que desempeña a avogacía na defensa do Estado de dereito. Pedro Blanco destacou que ese compromiso da profesión xurídica encaixa plenamente cos principios que defende o Goberno de España en favor dunha democracia sólida e garantista. Ademais, trasladou o seu compromiso de manter unha canle permanente de diálogo e colaboración co colectivo.