A subdelegada do Goberno de España nA Coruña, María Rivas, presidiu esta mañá a Xunta Local de Seguridade no Concello de Betanzos, xunto con a alcaldesa María Barral, para analizar os últimos datos e as accións levadas a cabo entre a Garda Civil e a Policía Local do Concello para garantir a seguridade da veciñanza. Rivas destacou “o traballo conxunto da Garda Civil e a Policía Local para garantir a seguridade da veciñanza deste concello”. Segundo os datos achegados, a taxa de criminalidade de Betanzos está moi por baixo da media nacional.
María Rivas destacou, no campo da prevención, a relevancia do Plan Director para a Convivencia e Mellora da Seguridade nos Centros Educativos e as súas Contornas, impulsado polo Ministerio do Interior. A través deste programa, a Garda Civil levou a cabo 44 actividades en catro centros educativos de Betanzos, con 1.055 participantes da comunidade educativa. As actividades centráronse en temas de ciberseguridade e TIC, acoso escolar e ciberacoso, temas de violencia de xénero, aspectos sobre drogas e alcol ou a protección de datos persoais e outras adiccións en apostas ou videoxogos. “El Plan Director aborda as inquietudes actuais de familias e profesorado, incorporando temáticas relevantes e conectadas coa realidade do alumnado”, apuntou Rivas.
O Plan Director para a Convivencia e a Mellora da Seguridade nos Centros Educativos e as súas Contornas é un programa do Ministerio de Interior do Goberno de España que ten como obxectivo a coordinación entre a comunidade educativa e as Forzas e Corpos de Seguridade para previr e detectar situacións de risco entre a xente nova, así como sensibilizar ao alumnado e contribuír á súa formación no respecto aos dereitos fundamentais e aos valores da igualdade e dignidade humana.
Los datos de participación e das actividades realizadas nos centros educativos da provincia da Coruña no último ano corroboran a boa aceptación deste Plan nos centros educativos da provincia coruñesa na que se realizou o 40% das actividades realizadas en toda Galicia no ano 2024, con 2.016 dun total de 5.027. Asistiron a estas propostas 35.744 persoas da comunidade educativa (alumnado, profesorado e familias) dun total de 144.761 participantes en Galicia. Os centros participantes na provincia da Coruña foron 331, dos 953 que o fixeron a nivel autonómico.
Fiestas locais, coordinación e seguridade
Ademais, nesta reunión avanzouse na coordinación do protocolo de actuacións ante os festexos e celebracións ao aire libre, en especial a feira medieval e as festas patronais de agosto. A subdelegada do Goberno comprometeuse a reforzar os medios de seguridade para garantir o correcto desenvolvemento da Feira Franca Medieval, que terá lugar do 11 ao 13 de xullo , así como as Festas de San Roque e Os Caneiros.
“O operativo deseñado está pensado para garantir o correcto desenvolvemento de todas as celebracións, con especial atención aos momentos e espazos con maior afluencia de persoas”, indicou a subdelegada.
O dispositivo será coordinado entre o Concello, as forzas e corpos de seguridade, a Policía Local, os servizos de emerxencia e protección civil.
Sistema VioGén
A Xunta Local de Seguridade analizou tamén os datos do Sistema Integral nos casos de violencia de xénero, VioGén. María Rivas fixo fincapé na importancia da colaboración institucional para garantir a seguridade das vítimas e das súas familias. O Concello de Betanzos conta con dous instrumentos que impulsa a Subdelegación do Goberno; en primeiro lugar, está adherida ao sistema de protección VioGén e, doutra banda, tamén está integrado na Mesa de Coordinación Interinstitucional contra a violencia de xénero.
El Sistema VioGén, dependente do Ministerio de Interior, é un sistema de protección ás vítimas de violencia de xénero no que colaboran as forzas e corpos de seguridade do Estado coa policía local dos concellos. Dos 60 concellos da provincia que contan con policía local, 29 deles están adheridos ao Sistema VioGén, o que demostra o compromiso coa loita contra a violencia machista.