Eladio Santos destacou nO Barco de Valdeorras "a formación, a familia e o emprego" como os tres alicerces sobre os que se debe asentar a inclusión de persoas migrantes

El subdelegado do Goberno en Ourense, Eladio Santos, inaugurou esta mañá no Salón Multiusos do Concello do Barco de Valdeorras unha nova sesión informativa sobre o novo Regulamento de Estranxeiría.
Continúan así a serie de charlas, impartidas pola xefa da Oficina de Estranxeiría, Josefina Rodríguez, e dous funcionarios da Subdelegación, que se están levando a cabo nas capitais de comarca da provincia coa finalidade de achegar a toda a poboación migrante os cambios nesta lexislación.
El subdelegado do Goberno destacou que as tres chaves para a inclusión de inmigrantes que se contemplan coa nova regulación son “a formación, a familia e o emprego”. Con esta norma o Goberno central busca dar seguridade xurídica e garantías “a aquelas persoas que veñen ao noso país a comezar un proxecto de vida e de traballo”, explicou.