Pontevedra, 12 de marzo de 2025.- O subdelegado do Goberno en Pontevedra, Abel Losada, visitou hoxe o convento de Santo Francisco en Pontevedra, con motivo do inminente inicio das obras de reparación da cuberta dun edificio que o Ministerio de Cultura converterá na sede do Arquivo Histórico Provincial. Losada destacou que “con esta actuación, o Goberno de España volve demostrar o seu compromiso coa cidade de Pontevedra, impulsando proxectos que melloran a cidade e recuperan o seu valioso patrimonio histórico”. “Hoxe estamos a cumprir coa promesa de rehabilitar un dos máis emblemáticos conxuntos arquitectónicos desta cidade, que outros gobernos deixaron esquecido durante anos”, subliñou.
La reparación da cuberta representa a primeira fase da rehabilitación integral do edificio. Conta cun investimento de case 600.000 euros e será executada pola empresa Oreco Balgón. O director de obra, Juan Marino, que participou na visita xunto con outros representantes da empresa, explicou que nos próximos días instalaranse as estadas na fachada principal para dar inicio aos traballos. A reparación do tellado impedirá que a antiga delegación de Facenda sígase deteriorando por causa de desprendementos e filtracións, mentres sa avanza no proxecto de rehabilitación integral.
Losada recoñeceu que este proceso “será longo e complexo tanto pola súa envergadura, como polos condicionantes arquitectónicos”, pero incidiu en que “o importante para esta cidade e para o seu patrimonio histórico é que esta obra se acometa e hoxe vemos que está en marcha grazas ao Goberno de Pedro Sánchez”. O proxecto de rehabilitación integral xa está, por outra banda, adxudicada ao estudo de arquitectura madrileño Aybar Mateos, cun orzamento próximo aos 800.000 euros. Contempla a adecuación funcional e estrutural do edificio para adaptala á novas necesidade como sede do Arquivo Histórico Provincial, que actualmente está situado na Casa dos Fonseca, no paseo Colón de Pontevedra, nunha sede absolutamente insuficiente. Así mesmo, actuarase para mellorar a eficiencia enerxética, a accesibilidade e a conexión co espazo público na contorna singular dos xardíns de Casto Sampedro e a praza da Ferrería.
O subdelegado insistiu en que a intervención no Convento de San Francisco supón unha clara aposta pola conservación patrimonial e a recuperación de espazos históricos para o seu uso público. “Estamos a avanzar nunha demanda histórica da cidadanía, recuperando un edificio emblemático que porá en valor o patrimonio arquitectónico de Pontevedra”, incidiu Losada.
Para o subdelegado o inicio das obras marca un punto de inflexión despois de anos de inacción por parte de anteriores gobernos, incluído o último Executivo do Partido Popular. “O Goberno de Pedro Sánchez volve demostrar con feitos o que outros só prometeron de palabra”, concluíu.