El delegado do Goberno en Galicia, Pedro Blanco, analizou este luns coa alcaldesa de Cee, Margot Lamela, a situación actual da base do heliporto que Salvamento Marítimo ten localizada en Ruibo, na parroquia de Lires. Durante o encontro, o delegado abordou coa rexedora as posibilidades e oportunidades que ofrece esta infraestrutura para a Comarca e comprometeuse a trasladar ao Ministerio de Transportes e Movilidad Sostenible estas demandas para buscar unha solución.
Por outra banda, aproveitaron para pór en común o avance dos proxectos que o Concello de Cee desenvolve co apoio do Goberno de España e que superan os 3,8 millóns de euros en investimentos. Trátanse da reforma do comprado municipal, a instalación de equipos de alta tecnoloxía no sistema de saúde, melloras na eficiencia enerxética e a renovación da iluminación pública, entre outros.
Para o delegado do Goberno o Concello de Cee “é unha mostra de boa xestión e capacidade, liderado por unha alcaldesa que é capaz de captar fondos do Plan de Recuperación para dinamizar a economía, o comercio e o turismo da zona”.
Finalmente, acordaron manter esta boa liña de diálogo e colaboración e seguir traballando en proxectos de interese para os veciños e veciñas de Cee.