El delegado do Goberno en Galicia, Pedro Blanco, reuniuse hoxe co director do Centro de Xestión de Tráfico do Noroeste-Cantábrico, Ramiro Martínez, con motivo da súa próxima xubilación o próximo mes de xaneiro. Pedro Blanco transmitiulle o agradecemento do Goberno e de toda a sociedade polos máis de 20 anos que leva dirixindo este centro, situado nas instalacións da Xefatura Provincial de Tráfico da Coruña, e polo seu compromiso ao longo deste tempo coa seguridade viaria dos galegos e das galegas.
Ramiro Martínez participou no deseño deste centro tecnolóxico e ocupa a súa dirección desde a súa posta en servizo en marzo do ano 2002. Desde o ano 2020, o centro pasa a denominarse CXT do Noroeste-Cantábrico, recollendo a xestión integral de vías de Galicia, Asturias e Cantabria. Nestes momentos, o centro está a ser reformado para adaptarse ao aumento de persoal e ás necesidades da normativa de xestión do tráfico.