El delegado do Goberno en Galicia, Pedro Blanco, despediu hoxe a Fernando Martínez Marty, xefe rexional de Operacións en Galicia da Policía Nacional. Pedro Blanco agradeceulle o seu labor e destacou o seu liderado como comisario provincial da Coruña, cargo que desempeñou desde 2022 ata hai uns meses, consolidando a provincia como unha das máis seguras de España. O delegado aproveitou o encontro para desexarlle unha feliz xubilación profesional.
Fernando Martínez Marty finaliza, deste xeito, unha dilatada carreira profesional dentro da Policía Nacional. Antes de ocupar o cargo de xefe rexional de Operacións en Galicia, foi comisario provincial da Coruña, comisario xefe da Brigada Central de Delitos contra as Persoas na Unidade Central de Delincuencia Especializada e Violenta ou comisario da embaixada de España en Cuba. Ademais, é graduado en Criminoloxía, con máster en Seguridade Pública, e experto en terrorismo islamita.